100 లీటర్ల పాలలో 100 లీటర్ల నీరు, 10 కేజీల యూరియా?

AP: రాజమండ్రిలో కల్తీ పాల వ్యవహారం సంచలనంగా మారింది. ఇప్పటికే ఐదుగురు చనిపోగా మరో 8 మంది పరిస్థితి విషమంగా ఉన్నట్లు సమాచారం. రాజమండ్రిలోనే కాకుండా ఇతర ప్రాంతాల్లోనూ కల్తీ పాల దందా కొనసాగుతోందని వార్తలు వస్తున్నాయి. 100 లీటర్ల పాలలో 100 లీటర్ల నీరు, తెల్లటి నురగ కోసం 10 కేజీల యూరియా, మరికొన్ని రసాయనాలు కలుపుతున్నట్లు తెలుస్తోంది. దీనిపై ఫుడ్ సేఫ్టీ అధికారులు చర్యలు తీసుకోవాలని ప్రజలు కోరుతున్నారు.